terça-feira, 17 de janeiro de 2012

Ohin Buat Hotu Muda





Ohin buat hotu muda
Lalehan nia kór
Natureza nia hakmatek
Manu sira-nia lian
Ibun-lahirak kmo’ok ne’ebé ha’u baibain haree
Iha ó-nia oin
Mós lakon hotu
Ó-nia lian ne’ebé ha’u gosta atu rona hela de’it
La lian tan ona mai ha’u-nia tilun
Ó-nia haksolok no hakuak ne’e mós
Hanesan lakon leet de’it
Iha ó-nia nonook no tauk ne’e.

Ohin buat hotu muda
No bainhira hanoin hikas
Momentu dahuluk sira-ne’ebé ó to’o mai
Saudades moris hikas fali 
Iha ha’u-nia klamar.

Maibé ha’u di’akliu
Tuur hakmatek no nonook
Lori hakuak netik de’it
Ha’u-nia lalatak ne’ebé maka mesak
Lori simu netik de’it
Ha’u-nia esperansa ne’ebé maka lakon
Tanba ohin buat hotu muda.

Husi Hercus Santos