quarta-feira, 18 de novembro de 2015

Hau nia prinsípiu balu ba moris



Uluk iha família militar indonesia (milsas) balu nia oin hau dehan ba sira katak biar imi oho tiha hau moos Timor ukun an nafatin. Liutiha referêndum iha militar indonesia nia leet hau dehan katak imi lalika mehi atu ukun tan Timor. Mas molok hau dehan hanesan ne hau dehan katak se imi hanoin atu oho hau nia ran sei babeur imi nia jerasaun sira hotu. Hau la hatene sira tauk hau nia amesa ho sira respeita hau no sira la halo buat at ida kontra hau.
Iha Santo Yoseph iha 2000 hau coret Atata nia foto. Amu Edu hirus la halimar. Nia haruka estudante hotu-hotu husi kelas 1 to’o kelas 3 (karik hau nia fen mos ba forma hotu tanba iha momento neba nia kelas 2) sai ba forma hotu iha lapangan bola volli. Amu Edu hirus la halimar ko’alia mesak siak deit no lori dehan katak ne’e pasti laos anak kelas 3 maka halo. Ne pasti anak kelas 1 ho 2 maka halo. Amu Edu dehan nia fiar tebes katak laos anak kelas 3. Nia koalai barak-barak tan nakonu ho lian ameasa no terror mental. Depois nia husu agora hau husu se maka coret Atata nia foto foti liman. Iha momento neba tanba ami kelas 3 hau termasuk ain aas hau hamrik iha kotuk. Hau foti liman no estudante hotu-hotu hateke mai hau. Mas hau tenki brani jujur lori dehan katak hau maka halo duni. Hau hanoin Amu Edu baku mate tiha hau mos hau tenki jujur. Hau la bele halai ses husi hau nia responsabilidade. Hau maka halo hau tenki responsabiliza. Amu Edu koalia teror hau nia mental oioin mos hau la tauk. Kuandu nia husu dehan se maka halo hau langsung foti liman dehan hau maka halo.

Hau nia estilu moris. Lalika terror hau nia mental ba buat nebe hau reconhece hau sala. Lalika teror hau nia mental kuandu hau defende buat nebe maka loos. Lalika teror hau nia mental ba buat nebe hau defende tanba hau nian. Mate tiha mos hau sei la tauk. Hau prefere mate defende buat loos no buat nebe hau nian no hau nia direitu duke moris no ema abuja!
Hau nia prinsipiu balu ba moris. Lalika terror hau nia mental ba buat nebe hau reconhece hau sala. Lalika teror hau nia mental kuandu hau defende buat nebe maka loos. Lalika teror hau nia mental ba buat nebe hau defende tanba hau nian. Mate tiha mos hau sei la tauk. Hau prefere mate defende buat loos no buat nebe hau nian no hau nia direitu duke moris no ema abuja!

domingo, 15 de novembro de 2015

Impedimento do casamento




Dili, 6 de Novembro de 2015
Exmº  Dr. Vitor Neto
Responsavel Registo Civil e Notariado Distrital de Dili

Eu, Hercus Pereira dos Santos, cônjuge da Zélia do Rego dos Santos (O nosso casamento é católico. Está em anexo o nosso certidão de casamento católico e outros documentos relevantes da Zélia do Rego dos Santos como o cartão eleitoral, o bilhete da identidade, o passaporte da Zélia do Rego dos Santos e os meus documentos como o cartão eleitoral e o passaporte timorense caducado. Eu ainda não tenho bilhete de identidade de Timor-Leste nem tenho novo passaporte), venho por este meio nos termos do artigo 1475 e seguintes do Código Civil de Timor-Leste, e para salvaguardar os meus interesses, pedir a Vossa Excelência para não autorizar o casamento civil ou barlaqueado incluindo para não autorizar o casamento putativo da Zélia do Rego dos Santos seja onde for, dentro ou fora do território de Timor-Leste, enquanto o nosso casamento ainda não for dissolvido ou se Zélia do Rego dos Santos já fez casamento civil ou barlaqueado ou casamento putativo com outro homem então peço para anular esse tal casamento.  Porque o nosso casamento ainda não é dissolvido.
Eu gostaria de vos relembrar que o artigo 1490 do nosso Código Civil que fala sobre impedimentos dirimente absoluto. Um dos impedimentos dirimente absolutos quando como na alínea C diz que o casamento anterior não dissolvido, católico ou civil, ou barlaqueado monogâmico, ainda que o respectivo assento não tenha sido lavrado no registo do estado civil.
Por isso, enquanto o nosso casamento ainda não for dissolvido, eu ainda tenho legítimo direito para pedir anulação de qualquer tipo do casamento da minha legítima esposa Zélia do Rego dos Santos com outro homem e para não autorizar qualquer tipo de casamento da Zélia do Rego dos Santos com outro homem.
Como cidadão de um país de Direito como Timor-Leste, eu espero que posso usufruir a protecção dos meus direitos protegidos pela Constituição de Timor-Leste e pelo Código Civil de Timor-Leste e outros sistemas jurídicos estaduais e também sistema jurídico universal em que Timor-Leste ratifica.
Agradeço desde já a Vossa atenção.

Os meus melhores cumprimentos,

Hercus Pereira dos Santos

Com conhecimento:
1.       Sua Eminência Nuncio Apostólico em Timor-Leste
2.       Registo e Notariado Nacional de Timor-Leste

3.       Diocese de Dili
4.       Sua Excelência D. Carlos Ximenes Belo
5.       Presidente da Comissão da Função Pública de Timor-Leste
6.       Embaixada de Portugal em Dili
7.       Direcção Nacional da Assessoria Jurídica e Legislação do Ministério da Justiça
8.       Procuradoria Distrital de Dili
9.       Defensória Pública de Timor-Leste
10.   Paroquia de Motael
11.   Paroquia de Balide



Uma nota: Os documentos que estão em anexo, entrego apenas para Registo e Notariado Distrital de Dili, Procuradoria Distrital de Dili e Embaixada de Portugal em Díli. Daqui alguns dias vou entregar também esta carta para Sua Eminência Núncio Apostólico em Timor-Leste.

segunda-feira, 2 de novembro de 2015

Ukun na'in balu iha Funar

Hau ba Funar hau konfirma lista liurai sira iha Funar nebe iha Amu Dom Carlos nia livru Os Antigos Reinos de Timor-Leste no naran sira iha lista ne’e loos hotu katak sira hotu ukun reinu Funar.  Hau nia bisavô Dato Hahik Wain (ho naran sarani Jeremias Hahik Wain) moos ukun reinu Funar bainhira ninia tiun (nia mãe nia alin maka D. João da Cruz) D. João da Cruz hetan kastigu ba Atauro mas rota Liurai nian D. João da Cruz entrega ba Dato Hahik Wain nia maun Nicolau tanba D. João da Cruz la iha oan no D. João da Cruz nia fen husi Vemasse. Kuandu D. João da Cruz kastigu iha Atauro ninia subrinho nain tolu Lo’ok Metan, Dato Jeremias Hahik Wain, Nicolau sira nian tolu ba to’o iha tasi Manatuto lori halo ritual bolu mate bian D. João da Cruz lori ba hakoi iha Funar. Iha ritual bolu mate ne’e tuir lisan rai Funar nian bainhira animal ruma hanesan nehek ou lalar kuandu tur iha mama ou osan mutin nebe se ba matebian entaun ne sinal katak matebian mai ona no bele lori ona ba hakoi iha Funar.

Enkuantu Dato Jeremias ukun la iha legitimidade husi Governador Português karik tanba sei haree nudar sobrinho husi D. João da Cruz. Dato Jeremias nia fen primeiru husi uma lisan Liurai Manelima naran Nae Nahak (sarani bainhira mate ho naran Filomena. Tio Jeca Estevao nia mae maka husu ba mãe nia mãe lori sai madrinha). Dato Jeremias ho Nae Nahak oan lubuk ida. Oan Mane-Boot maka hau nia abo-pai naran Antonio Koli-Leki Ferreira. Koli Leki hanaran tuir ba Nae Nahak nia abo no D. Dinis Malietar nia pai. Tio Jeca Estevao nia abo maka D. Dinis Malietar).

So D. José do Espírito Santo maka hetan legitimidade husi Governador Português bainhira Governador Português bolu nia ba Palácio Governador iha Lahane lori foti nia nudar Liurai ukun reinu Funar. Liurai D. Jose do Espírito Santo iha fen lima (se hau la sala).  Fen nain tolu, ida Dato Jerimias nia prima no rua seluk Dato Jerimias nia subrinha. Subrinha ida naran Bui Wain. Husi Bui Wain iha oan mane ida mate tiha no oan feto rua ida maka mãe nia mãe Felismina dos Reis ho abo desa feto Ilda do Espírito Santo.

Felismina dos Reis kaben fali ho Manuel Boavida (hau nia mãe nia pai) husi uma lisan Liurai Manehi’ak. Ilda do Espírito Santo kaben ho Francisco da Silva husi uma lisan principal ida (uma ne ninia jerasaun lubuk ida iha Laklubar inklui abo Hilário da Silva, Tio Alex ho Ama Li sira nia pai. Uma ne ninia jerasaun ba to moos iha Viqueque hanesan tio Jeca Estêvãe nia fen) hotu iha Funar. Kuandu D. Jose do Espirito Santo mate entrega ukun ba Liurai Anibal do Espirito Santo ho nia ajudante maka Francisco da Silva. Abo Francisco da Silva nia padrinho maka Liurai Antonio Moniz da Silvanudar Liurai Laklubar. Bainhira abo Liurai Anibal do Espírito Santo ba tur iha DPR – Manatuto ukun Funar entrega ba abo Francisco da Silva. Husi abo Francisco depois ba fali tio Lito (mãe nia alin husi uma lisan Liurai Manehi’ak) maka ukun fali Funar husi 1994 to’o Timor ukun an. Depois tio Lito, maun João da Cruz (mãe nia Maun-Boot nia oan Mane-Boot) maka ukun fali Funar. 

Agora ho demokrasia nebe maka makas tebes ona populasaun sira la haree ona ran liurai maka ukun. Agora haree liu ba partido. Partido nebe maka iha influensia populasaun makas maka hetan votos barak maka ukun. Iha parte seluk liurai oan sira moos baruk ukun suku tanba osan la iha. La manan osan. Dato Jerimias nia subrinha ida seluk naran Maria no iha oan lubuk ida. Hau temi deit ona mane ida ho oan feto ida. Oan mane ida naran abo Luis do Espirito Santo hola abo Bernadete Mesquita ran Liurai  (família Mesquita) husi Remexio. Oan feto ida naran Julia Espírito Santo hola Hilário da Silva, D. Geraldo Soares, Liurai Laklubar nia beiaoan ne’ebé maka hein uma lisan D. Geraldo nian. Agora ne abo Julia maka hein tanba abo mane Hilario mate tiha ona. Hola malu entre família sira barak tebes. Hau koalia badak-badak deit. ruma maka iha interesse halo peskiza ne diak liutan tanba Istoria tempu uluk nian komplikadu loos.

terça-feira, 1 de setembro de 2015

Deklarasaun Protesaun ba Zélia



Díli, 2 de Setembro de 2015

Exmº Chefe Procurador Distrital de Díli


Deklarasaun kompromisu

Ha’u, Hercus Pereira dos Santos, hakarak husu protesaun ba ha’u no ba ha’u-nia fen Zélia do Rego dos Santos husi kualker perigu ba ami nia moris fizikamente no psikolojikamente husi kualker tentativa ameasa ne’ebé maka bele mosu karik ba ami husi kualker ema ida (Bele mai husi ha’u-nia família, husi ninia família ou husi ema seluk ne’ebé sai kauza ba ami nia problema). Ami rua, nia no ha’u, tenki moris iha liberdade laran sein ameasas ba ami nia moris.

Tanba Timor-Leste nu’udar estado de direito democrático no iha respeitu ba ema nia dignidade nudar artigu 1 número 2 husi Constituição República Democrática de Timor-Leste (CRDTL).

Tanba entre objectivos husi Estado de Timor-Leste ne’ebé konsagra iha Konstituisaun iha artigu 6 maka hanesan iha aliena b) Garante no promove sidadaun sira-nia direitu fundamental no respeitu ba prinsípiu sira iha Estado de direito democrático.

Tanba Timor-Leste moos konsagra iha Konstituisaun direito ba moris (artigo 29), direito ba liberdade, segurança no integridade pessoal (artigo 30), direito ba onra no privasidade (artigo 36), família, casamento no maternidade (artigo 39),liberdade ba sirkulasaun hanesan hateten iha artigu 44 númeru 1 katak sidadaun idak-idak iha direitu atu la’o bá-mai no hela iha kualker fatin ida iha teritóri nasional.

Tanba ho hanoin moos katak Timor nia lei halo tuir direito internasional tuir artigu 9 husi ita nia konstituisaun haruka no direito fundamental iha ita-nia konstituisaun tenki interpreta tuir Declaração Universal dos Direitos Humanos. No parte importante ida husi ita-nia konstituisaun assegura maka ema hotu-hotu iha direitu atu bá tribunal hodi defende ninia direitu no interesse ne’ebé lei proteje (artigu 26 númeru 1) no la bele nega justisa tanba la iha meiu ekonómiku (artigu 26 númeru).


Tanba iha kodigu penal moos prevê katak tentativa ba halo krime kuandu iha kondisaun lori atu hamosu duni krime ida ou halo ona krime parte balu ou crime konsumadu ne’e hetan kastigu tuir artigu 24 husi kódigu penal no ema hotu-hotu iha direitu atu salva an husi kualker perigu ruma ba ninia moris tuir artigu 44 kona-ba lejítima defeza.

Tanba iha kódigu penal moos prevê atu kualker ema ida la bele estraga ema seluk nia saúde ou nia isin tuir artigu husi 145 to’o ba artigu 156. Atu la bele moos ameasa ema ida lori halo krime no hamosu ninia tauk(artigu 157), la bele moos halo sidadaun ida sai hanesan atan ba ema seluk nia interesse atu sidadaun ne’e hakarak ou lakoi la importante hahalok halo sidadaun ida sai hanesan atan ba ema seluk nia interesse ne’e krime tuir artigu 162 no bele hetan kastigu entre tinan 8 to’o tinan 20.

No ha’u iha fiar makas tebes ba kapasidade husi Ministério Publico no Polícia Nacional de Timor Lorosa’e lori halo investigasaun no knaar sira hotu atu assegura katak sidadaun hotu-hotu hetan protesaun ba nia moris no goza direitu no liberdade ne’ebé maka konsagra iha ita nia Konstituisaun ho lei oan sira hotu ne’ebé maka vigora iha ita-nia rai laran.


Os meus melhores cumprimentos,



Hercus Pereira dos Santos





Deklarasaun kompromisu ba Zélia


Díli, 1 de Setembro de 2015

Exmº Chefe Procurador Distrital de Díli


Deklarasaun kompromisu

Ha’u, Hercus Pereira dos Santos, laen-kaben Igreja Católica husi Zélia do Rego dos Santos, hakarak deklara katak ha’u prontu simu hikas ha’u-nia fen Zélia do Rego dos Santos no ha’u sei respeita nia no sei la halo kualker violénsia kontra nia biar nia isin rua tuir liafuan ne’ebé maka nia dehan mai ha’u iha Largo Lecidere bainhira ami rua nia hasoru malu depoizde ami rua nia problema.

Nia dehan katak nia isin rua no ha’u dehan ba nia katak impossível tanba ita rua la toba hamutuk depois o nia loron mai. Oinsá maka o isin rua se ita rua la toba hamutuk depois de o nia loron mai. Nia dehan katak ne’e milgare mas ha’u dehan milagre ne’e akontese de’it ba Nossa Senhora no nia hatan nia nossa senhora kedua. Nu’udar sarani no nu’udar ha’u-nia madrinha ba Nossa Senhora de Fátima por devoção ne’e ofende tebes ha’u. Ami rua diskute malu liutan iha momento ne’ebá. Iha asuntu balu tan ne’ebé maka ha’u la deklara iha karta ida-ne’e. Mas ha’u prontu atu perdua nia biar nia toba tiha ona ho mane seluk iha ami rua nia kazamentu ne’ebé ami devia fiel ba malu tuir juramentu ne’ebé maka ami halo iha sacramento matrimónia ne’ebé maka ami simu iha dia 14 de Fevereio de 2015 iha Igreja Balide.

Ha’u seidauk levanta kazu ami rua nian ba oin tanba ha’u hanoin diakliu ha’u presiza fo tempu ba nia atu nia bele hanoin ho diak-diak no iha liberdade nia laran sem preokupasaun. Fo tempu ba tempu hanesan maluk matenek na’in Timoroan ida hatete mai ha’u.

Ha’u sei prontu nafatin atu fo nia tempu ne’ebé maka nia presiza naran katak nia dehan netik buat ruma mai ha’u.

Ha’u garante katak se nia fila mai ha’u nia hela ho ha’u iha seguransa total ba nia moris. Ha’u sei la sai ameasa ba ninia moris mas pelo contrário ha’u sei hadomi no estima nia tebes tanba ha’u hadomi tebes Zélia do Rego dos Santos. Ha’u husik feto lubuk ida lori fiel no hili Zélia do Rego dos Santos. Tanba hau hadomi tebes Zélia do Rego dos Santos. Ami rua nia kazamentu konsumadu. Ou se dehan ho loloos ami rua hola malu nu’udar fen-laen antes kedas ona depois maka ami kaben iha Igreja.

Ha’u halo deklarasaun ne’e nu’udar sarani ne’ebé maka tuir ba Cristo nia hanorin perdaun nian no fiel ba Igreja Católica ho lakoi divorsiu tanba ha’u lakoi hetan descomungado husi Igreja Católica. Ha’u moos hakarak deklara ho loloos katak ha’u hadomi tebes Zélia do Rego dos Santos. Laran ne’e moras mas iha domin ne’ebé forte no nu’udar sarani ne’ebé maka metin hakarak tebes atu kontinua comunga iha ha’u-nia moris tomak ho nune’e maka hau deklara katak ha’u ho laran moos prontu perdua ha’u-nia fen ba kualker hahalok saída de’it.


Iha problema ami rua nian ne’e buat ne’ebé maka liu (nia isin rua karik) liu ona. Importante mai ha’u maka salva ami rua nia kazamentu atu ha’u la descomungado iha Igreja Católica nia laran. Se nia ho nia família la obriga ami rua kaben sedu ou katak se nia ho nia família tuir hau-nia hakarak atu ami rua kaben depoizde ami rua remata tiha ami rua nia estudu no depois maka iha fulan abríl liubá maka nia hapara ami rua nia relasaun hau sei simu totalmente no sei la preocupa tan ho nia. Hau haluhan tiha deit nia. Feto barak. Mas problema mai hau maka tanba ami rua kaben igreja ona no se nia divorsiu ho hau ne afeta tebes mai hau tanba hau la bele ona comunga. Ne todan boot ida mai hau. Nudar ema hau ema maksalak ida mas hau sempre konfesa hau nia sala sira ba amu lulik sira lori hau bele simu nafatin comunhão. Agora divorsiu implica hau la bele tan ona simu comunhão no la bele tan ona simu sacramento matrimónio. Se karik Igreja Católica permite hau simu comunhão no bele simu hikas sacramento matrimónio sei la iha impacto negativo boot mai hau.

Ha’u deklara moos katak mezmu Zelia do Rego dos Santos nafatin lakoi ona ha’u no ami rua divorsiu lori halo tuir nia hakarak, ha’u sei respeitu nafatin nia no ha’u sei la halo kualker hahalok krime kontra nia. La ameasa nia. Problema sira hotu, la’ós de’it divórsiu, sei rezolve tuir lei ne’ebé maka vigora iha ita nia rain. Tanba ita-nia rain nu’udar Estado de Direito Democrático. Buat ne’ebé hau hakarak halo maka salva nia husi hanoin ba hahalok krime ruma se karik nia isin rua (tanba dalaruma ho presaun ema nian feto isin rua bele hanoin at ba bebe) no salva moos bebe nia moris.

Kona-ba divorsiu ha’u lakoi mas se Zélia do Rego dos Santos hakarak divorsiu hau sei tuir nia hakarak no sei kabe ba nia atu halo tuir buat ne’ebé maka lei haruka iha kódigu sivil.  Timor oan hotu iha lei nia okos.

Atu informa de’it ba Ita-Boot katak liutiha ami rua divorsiu hau sei haree karik hau sei hatama keixa balu ne’ebé halai ba direito penal no Tribunal maka sei tetu no haree lori halo desizaun. Ha’u sei buka koopera ho Ministériu Públiku nu’udar titular da acção penal. Maibé se Zélia hakarak fila mai hau entaun hau sei la hatama keixa ou se karik hau hatama tiha ona maka Zélia hakarak fila fali mai hau entaun hau sei desiste. Tanba ne’e la’ós  indísiu ba krime públiku (iha krime públiku kualker sidadaun ida bele hato’o denunsia no prosesu tomak iha Ministério Público nia liman) ou katak iha indísiu nu’udar krime semi-públiku maka hau bele desiste. Iha krime públiku la iha dalan atu desiste. Timor-Leste tuir princípio presunção da inocência ho nune’e maka só Tribunal de’it maka iha kompeténsia lori julga ema ida iha sala ka la sala. Ha’u so bele dehan de’it katak iha indísiu. Mas atu krime ou la krime so Tribunal de’it maka dehan. Karik Iha kazu balu seluk hau sei levanta moos maka hau sei haree lai.

Se Zélia do Rego dos Santos fila mai ha’u entaun hau sei simu nia nafatin nu’udar fen no ha’u sei la hatama keixa. Buat hotu depende ba Zélia do Rego dos Santos. Hau hadomi tebes Zélia hau prontu perdua nia.

Ha’u halo deklarasaun ne’e ho livre vontade no ho konsiénsia tomak. Ha’u prontu atu hatan iha autoridade judicial nia oin bainhira ha’u kontra ha’u-nia kompromisu ne’e.

Deklarasaun kompromisu ne’e ha’u halo atu uza de’it lori assegura katak ha’u sei la halo krime kontra Zélia do Rego dos Santos se Zélia fila mai hau ho isin rua ou se Zélia divorsia ho hau.

Ha’u sei fó-koñesimentu moos deklarasaun kompromisu ne’e ba ha’u-nia fen Zélia do Rego dos Santos, ba Sua Excelência Dom Basílio do Nascimento, Dom Carlos Filipe Ximenes Belo, Presidente da Função Pública, Ministro Dr. Dionísio Babo no Director Nelinho Vital no mos ami nia padrinho Senhor Doutor Agio Pereira. Ha’u sei buka atu oinsá haruka moos ba Ministru Justisa Dr. Ivo Valente. Deklarasaun ne’e moos hau sei publika iha ha’u-nia blog http://hercus.blogspot.com/
Deklarasaun kompromisu ne’e bele hatun ba Ita-Boot nia elementos sira no ba Polísia Nasional Timor Lorosae atu prosesa lori sai nu’udar garantia ida ba liberdade total Zélia do Rego dos Santos nian atu nia la sinte tauk ho ha’u tanba ha’u la sai ameasa ba ninia moris. Ha’u hakruuk ba lei tanba hau rasik mos hakarak moris iha liberdade total nia laran. Ami nia problema sei rezolve tuir lei ne’ebé maka vigora iha Timor-Leste laran tanba Timor-Leste nu’udar Estado de Direito ema hotu-hotu goza direito no liberdade fundamental sira hotu.

Obrigadu wa’in ba Ita-Boot nia atensaun.


Os meus melhores cumprimentos



Hercus Pereira dos Santos


Nota: Deklarasaun ne'e ha'u hatama ohin ba Procurador Distrital de Dili ho número 1807/09/2015.

domingo, 30 de agosto de 2015

Husi ne'ebé mata-been ne'e mai, Zélia?

Husi ne’ebé mata-been ne’e mai, Zélia?
Husi fuan ne’ebé kanek
Ou husi domin loos ida ne’ebé atu lakon.

Husi ne’ebé mata-been ne’e mai?
Husi saudades ba tempu ne’ebé ita lao hamutuk
Ou husi laran ne’ebé moras ba tempu diak sira ne’ebé ita la bele ona atu hetan.

Husi ne’ebé mata-been ne’e mai?
Husi destinu ne’ebé ha’u monu sala
Ou husi destinu ne’ebé ha’u obriga atu hetan.

Husi ne’ebé mata-been ne’e mai?
Husi domin ha’u nian ne’ebé ó fahe
Ou husi planu ne’ebé ó halo nanis ona ho ó-nia doben seluk.

Husi ne’ebé mata-been ne’e mai?
Husi ha’u-nia hanoin sala ó hadomi ha’u
Ou husi lasu ó nian ne’ebé ha’u monu.

Husi ne’ebé mata-been ne’e mai?
Husi ha’u-nia juramentu nu’udar laen fiel total ba ó
Ou husi laran tanis tanba ó iha laen seluk.


Husi ne’ebé mata-been ne’e mai?
Husi ha’u nia ki’ak ne’ebé la bele fo osan, riku soin no promosaun ba serbisu di’ak ba ó?
Ou husi laran dodok tanba mane seluk bele fó ó buat hotu ne’ebé ó hakarak.

Husi ne’ebé mata-been ne’e mai?
Husi ha’u-nia domin loos ba ó
Ou husi tristeza tanba iha kotuk ó halo tuir hela nafatin doben seluk nia hakarak.

Husi ne’ebé mata-been ne’e mai?
Husi tauk lakon ó
Ou husi ó-nia domin ne’ebé ha’u nunka hetan husi ó.

Husi ne’ebé mata-been ne’e mai?
Husi ó-nia nonook
Ou husi Maromak ne’ebé seidauk rona ha’u nia harohan.

Husi ne’ebé mata-been ne’e mai?
Husi ha’u-nia sorin mamuk no ha’u malirin toba mesak iha kalan
Ou husi ha’u-nia domin ne’ebé maka sempre iha ba ó iha ha’u-nia moris tomak.

Husi ne’ebé mata-been ne’e mai, Zélia?
Ha’u husu ba ó Zélia ha’u-nia fen
Husi ne’ebé mata-been ne’e mai?
Husi ha’u-nia hakarak atu ó sai de’it ha’u-nia fen ida ba ha’u-nia moris tomak
Ou husi ha’u-nia beran laek atu kaer metin ita rua nia kazamentu tan ha'u kuran rikusoin.


Husi ne’ebé mata-been ne’e mai?

sexta-feira, 7 de agosto de 2015

Zélia maka hau nia domin no hau nia moris










Ne’e maka hau nia fen no hau ne fen para sempre.  Biar ami rua iha problema boot nia laran mas hau jura tiha ona ba Nossa Senhora de Fátima atu fiel nafatin ba nia to hau katuas no husik mundu ida-ne’e.

Ema barak la hatene katak Nossa Senhora de Fátima ne’e hau nia madrinha. Kuandu hau jura ba Nossa Senhora de Fátima hau sei cumpre. Hau sei nunca husik hau nia promessa ba Nossa Senhora de Fátima.

Ohin hau hakerek ho mataben tanba hau nia fen dook husi hau nia sorin. Mash au nia promesa ba Nossa Senhora de Fátima lori fiel ba hau nia fen hau sei kaer metin nafatin.

Tanbasá hau fiel ba hau nia promessa ba Nossa Senhora de Fátima. Tanba nia hau nia madrinha. Uluk hau pernah moras atu mate. Familia sira hotu tanis tiha ona. Kuandu hau ba soe liur boot ou besik hau nia katuas maka kous deit hau tanba hau lao la bele tiha ona. Hau hanesan loos bebe oan ida. Hau toba loos deit iha kama leten. Han deit hau la konsege han ho nune tenki tau soru mai hau. Familia sira haree hau nia situasaun dificil ona entaun sira hanoin katak hau nia is besik atu hotu ona. Sira ba bolu amu pároku lori mai fo konfensa mai hau no lori hau komunga no kose mina sarani mai hau. Hau konfesa koalia hotu la diak. Amu haruka hau hanoin deit iha laran. Kuaudu hau comunga afinal hau laos husik mundu ida ne mas hau hetan hikas kbiit foun lori moris no moris to agora ne’e. Ostia fo hau kbiit lori moris iha moris ne.

Hau mos pernah selingkuh mas iha Fátima hau jura atu husik hau nia selingkuh ne. Hau jura katak biar problema boot oinsa mos hau sei simu no simu sala sira hotu lori salva ema nia família. Saida deit maka akontese hau jura ba Nossa Senhora de Fátima lori simu.
Hau fila mai Timor depois ami rezolve problema iha ema nia uma besik igreja Balide nia oin. Kantor PST nia kotuk. Iha neba hau haree iha tudik no katana.  Kuandu kadeira foti sae tiha (hau haree hela) maka tau ba hau nia ulun iha hau nia laran hau reza Nossa Senhora de Fátima hau prontu atu simu lori kasu hau nia salan. Hau fiar katak hau sei la mate. Ran naksulin barak tebes. Kanek suku pontu tolu ou hat hau haluhan tiha ona.  Hau fiar an katak hau bele ses an. Mas buat nebe maka hau promete ba Nossa Senhora de Fátima hau la bele trai.

Importante liu maka hau iha konsiénsia katak hau halo sala boot ida ona selingkuh ho ema nia fen kaben Igreja no hau tenke arrepende lori hakas an lori halo desizaun ida salva ema nia kazamentu atu hau la bele sai ema ida nebe maka  estraga no harahun ema seluk nia familia, ema seluk nia keluarga. Nu'udar ema hau ema fraku no halo sala tiha ona mas pelumenus hau iha konsiénsia ida lori salva hikas ema nia kazamentu lori husik no hakotu feto ne'e husi hau nia moris tomak.

Hau fiar moris iha mundu ida ne’e sementara deit. Provizóri deit. Hau nia isin loron ida husik mundu ida ne. Hau nia klamar sei responsabiliza buat at sira nebe maka hau halo. Hau nia klamar sei responsabiliza ba promessa nebe maka hau halo. Terus iha mundu sementara deit. Iha limitação de tempo lori hamoos klamar sai mos hetan fatin diak iha Lalehan.


Hau nia promessa ba hau nia fen hau sei nunca atu husik. Hau nia promessa iha Nossa Senhora de Fátima nia futar oin hamutuk ho nia ou hau nia juramentu nebe maka hau halo bainhira ami rua kaben. Biar karik nia monu ba sala ruma hau prontu atu perdua nia no simu nia nudar hau nia fen lori fiel nafatin ba nia to hau katuas husik mundu ida ne.  Iha situasaun sira hanesan ne maka, tuir hau nia hanoin, lori prova se hau hadomi tebes nia ka lae. Se hau nia juramentu iha Maromak futar oin, iha Amu Lulik no ami rua nia família no maluk sira hotu oin tebes duni ka lae. Hau hakarak hatudu ba Maromak katak hau taka liman ba hau nia fuan lori jura buat nebe maka loos duni katak hau jura husi hau nia fuan laran isin no klamar lori hadomi no simu no la soe hau nia fen iha tempu diak no tempu at nia laran.Ami rua nia kazamentu konsumadu. Bainhira hau halo juramentu iha kazamentu nia laran ida ne lori entrega mos hau nia isin no klamar ba nia. Biar ema hotu iha mundu ne bele hakribi karik hau nia fen hau sei nafatin iha ninia sorin. Hau sei hadomi nafatin nia. Hau sei hadomi nia hanesan iha tempu uluk-uluk. Hau nia domin ba nia sei la muda. Nem muda uitoan deit mos lae.

Zélia maka hau nia domin no nia maka hau nia moris. Hau sei luta lori hetan hikas fali nia. Hau sei terus lori hetan fali nia mos hau prontu atu simu terus saida deit. Hau nia domin ba nia sei la muda. Hau sei la troka nia ho feto seluk nem ho rikusoin mundu nian. Hau hakarak kaben ho feto ida no ba dala ida iha hau nia moris tomak. Hau sei prontu atu simu terus hotu hamutuk ho hau nia fen. Mas buat hotu depende ba nia. Hau la iha kbiit atu obriga nia. Mas se nia fila mai hau nia moris hau hakarak atu hadomi nia metin nafatin atu loron ida bainhira ami rua katuas-ferik loron ida iha ninia laran nia bele dehan afinal buatamak oin at ne hadomi tebes duni hau.

Hau sei hatudu ba nia katak hau sei nafatin hadomi nia hanesan iha tempu diak sira. Kuandu nia fila fali mai hau (se Maromak tulun loke hikas nia laran lori fila mai hau) hau sei memanjakan nia nafatin. Hau sei haluhan tiha deit tempu susar nebe maka ami rua hasoru daudaun ne. Hau sei estima nia nafatin hanesan uluk. Hau sei kous nia. Hau sei hamaus nia hau sei halo nia sinte katak hau hadomi tebes nia. Hau espera deit atu nia komprende uitoan hau nia hahalok lori respeita hau nudar nia laen no lori fiel hikas mai hau. Buat nebe liu, liu ona. Haluhan tiha deit. Hau nia laran mos ba nia. Hau la iha laran hirus ba nia kuandu nia fila mai hau tanba nia maka hau nia ksolok iha moris ida ne. Hau presiza tebes nia moris hamutuk ho hau no iha hau nia sorin tanba ne maka halo hau ksolok. Hau triste no laran moras at liu no at liu buat hotu-hotu at liu se nia trai hau bainhira nia husik hau. Hau bele hola fali feto seluk. Agora daudaun iha mana ida nebe uluk nia gosta hau iha Braga buka halo hela pendekatan mai hau mas hau maka sempre hases an. Keta hau maka sinte sala karik hau bele sala. Mas diakliu hau hases an atu la fo esperansa falsu ba nia nebe maka hau la hadomi. Hau hadomi hau nia fen. Moris furak no ksolok liu maka moris ho ida nebe maka hau hadomi tebes maka hau nia fen. Mas buat hotu depende ba nia. Desizaun iha nia liman. Hau sei halo tok esforsu ida lori hein nia. Hau fo nia tempu to tinan ida. Iha tinan ida nia laran nia la fila mai hau maka hau sei buka fali seluk. Moris ne tenki lao ba oin. 

Hau konsiente katak iha tinan ida nia laran hau sei lakon no husik oportunidade balu. Hau sinte hela iha feto balu gosta hela hau. Feto balu katak iha nain rua tolu hanesan ne. Se hau tembak sira salah satu ida pasti bele hela. Mas problema hau iha juramentu ida hau halo ho hau nia fen. Atu simu nia iha tempu diak no tempu at nia laran. Hau hakarak atu hatudu katak buat nebe maka hau jura iha Sacramento Matrimónio tebes duni. Tanba ne hau sei fiel nafatin ba hau nia fen no sei hein nia. Kuandu nia hakarak fila mai hau prontu sim unia nafatin. Biar oinsa mos nia hau nia fen. Atu diak ou la diak nia hau nia fen. Ne katak hau sei luta hasoru hau nia família sira balu. Tanba sira balu kontra hau atu fila ba nia. Sira balu lakoi hau atu fila ba nia. Biar nune hau hakarak cumpre hau nia promessa. Hau lakoi todan husi hau nia promessa ne monu mai hau. Se Maromak rona duni hau juramentu nebe hau halo ho hau nia fen iha tempu extremamente difícil hanesan ne maka prova forte ida nebe hau hakarak hatudu ba Maromak katak hau cumpre hau nia juramentu lori fiel nafatin ba hau nia fen no lori simu nia iha tempu diak no tempu at nia laran. Agora daudaun ne tempu at nia laran lori halo tuir hau nia promessa se hau nia fen hakarak fila mai hau entaun hau prontu atu simu fali nia no perdua nia no haluhan tiha ami rua nia problema lori memanjakan fali nia lori halo nia hamnasa fali lori hamaus fali nia. Tanba hau hadomi tebes nia. Atu nune ami rua bele kontinua comunga iha ami nia moris tomak. Amen.










sábado, 1 de agosto de 2015

Casamento


Peskiza

Exmº  Doutor Duarte Tilman Soares
Juiz Administrador do Tribunal Distrital de Dili,

Assunto: Husu dados ba peskiza teze ba Mestrado em Direitos Humanos

Ha’u, Hercus Pereira dos Santos, aluno Mestrado em Direitos Humanos da Escola de Direito da Universidade do Minho – Portugal, liuhusi karta ida-ne’e ha’u hato’o ba Ita-Boot pedidu ba dados – jurisprudência (ba caso julgado) ba ha’u-nia dissertasaun Mestradu ho títulu Direito Costumeiro Timorense Visto numa Perspectiva dos Direitos Humanos.
Dados sira ne’ebé ha’u presiza kona-ba:

·         Violação ba feto no labarik

·         Divorsiu

·    Kaben na’in (tuir kódigu civil nia definisaun) sira-nia oan husi feto ou mane seluk (anak diluar pernikahan) ne’ebé sai kauza estraga sira-nia família.

·         Dun malu buan ou la fiar Maromak

·         Falsifikasaun ou fó informasaun laloos ba entidade publika Estadu nian

·        Inan-aman fó informasaun laloos ba entidade pública lori halo labarik ida ne’ebé la´´os sira-nia oan sai fali nu’udar oan

·         Incesto iha família laran inklui cunhado ho cunhada

·         Corrupção

·         Abuso do poder iha Instituição Pública nia laran em relação ho feto.

Ha’u aneksa moos ho deklarasaun husi ha’u-nia Professora Orientadora da Universidade do Minho i nia moos nu’udar Director do Curso Mestrado em Direitos Humanos da Escola de Direito da Universidade do Minho Professora Doutora Patrícia Jerónimo.

Ba Ita-Boot nia atensaun ha’u hato’o obrigadu wa’in.

Os meus melhores cumprimentos,

Hercus Pereira dos Santos