Haree mutin iha fatin hotu-hotu

Ha’u-nia laran haksolok.

Mutin katak moos.

Ha’u ta’uk de’it bainhira iha liman metan

Nakrakat ne’ebé tuituir hela

Tanba metan katak nakukun

No nakukun katak ema bele halo buat hotu-hotu.

Mutin la’ós metan.

Mutin,

Mutin!

Metan,

Metan!

Mutin kahur la di’ak ho metan

Mutin i metan mai husi hun ne’ebé ketak-ketak

Liu-liu mutin sei la husik atu metan mai hafoer

Ba ne’e ita hotu bele laran hakmatek.

Poezia ne'e ha'u hakerek iha momentu Igreja Katólika iha Timor halo manifestasaun kontra planu governu tempu ne'ebá nian konabá hanorin relijiaun iha Eskola. Mosu preokupasaun barak maibé ha'u pessoalmente fiar katak manifestasaun ne'ebé igreja halo maka manifestasaun pasífika. Diferente ho manifestasaun sira seluk. Karik tanba maturidade polítika, formasaun espirituál e intelektuál ne'ebé maka padre ho madre sira iha. Tanba ne'e ha'u iha momentu ne'ebá halo poezia ne'e no publika iha Jornal Liafoun.