Ohin ha’u lahatene atu halo saída.

Ohin hanesan baibain,

Hanesan horisehik no karik sei hanesan aban

Moris ne’e la’o no halai

Hanesan balada ne’ebé maka hamrook

Halai buka bee-matan iha foho tutun sira-ne’ebá

Ha’u iha moris ida-ne’e buka ksolok ida-ne’ebé maka lori ha’u isin no klamar hakmatek

No ohin ha’u la’o buka hela moris ida hanesan ne’e iha ema nia rain

Maibé susar tebes tanba iha ema nia rain ha’u hanesan ema fuik

La iha maluk, la iha belun, la iha ema ruma ne’ebé maka ha’u bele tau fiar

Lori hakat liu susar oioin ne’ebé maka mosu iha rai liur ne’e.